Nikaj nema lepšega, niti veselešega,

Nek s prijatelji koji su veseli, skup živeti!

Kak je za videti, i popevka veli da život bez veselja i pravih pajdaša, praf za praf i ni nekakvo živlenje. Tu, vu ovom našem drevnom gradu prijateljstva, vu gradu na daleko i široko poznatih "Križevačkih štatuta", lepa strana živlenja navek počne s popevkom i kupicom vina. A, vino, kaj reči o tom božjem daru. Vi, vinogradari najbolje znate vu denješnje vreme kuliko treba truda, znoja, vremena i penez, da bi čovek dobil kupicu vina. Ali i to ni dosti, ako nema ljubavi spram trseku. Za pravo vino treba predi i iznad sega srce. Ti se s trsom moraš spominati. Ti ga moraš razmeti, a da bi dobil pravo vino moraš ga poslušati, posluhnuti kaj ono od tebe išče, da mu vu pravo vreme daš. A, ono ti onda stokrat vrne. I kaj je najvažnejše, ti se spram vina moraš pametno, primjereno i s ljubavlju ponašati. Vino ti je kak i žena. Moreš ju obleči vu najskupleše haljine, kupiti joj najskupocjeniji nakit, dopelati ju vu prekrasan dvorac, ali ak nema srca i ljubavi, od toga brašna nigdar nebu kruha. Mislim da je čovek, kakti razumno biče, najviše pjesmi posvetil vinu, ženi i domovini. Ali i taj je čovek napisal i onu popevku, vu kojoj veli:

"Uživaj vino s pameču večom, umjerenost svaka rađa ti srečom."

Svi ovi stručnjaki, koji su napisali se kaj se vu ovoj knjigi govori, dali su si truda da am pomoreju vu želji da i Vi proizvedete zdravo i kvalitetno grozdje, od kojeg bi onda dobili vrhunsko vino. Iza njih je praksa i životno iskustvo.

Ja pak Vam iz mojeg životnoga iskustva bum rekel nekaj, kaj verujem da još niste čuli. Ja mislim, da samo dober čovek more postati pijanec. Druga je stvar kaj je vino u prekomjerenosti u stanju od čoveka napraviti. Ljudi, čovek lošega karaktera nebu vu životu nikaj na svoju štetu napravil. Zato Vam ja toplo preporučam: držite se naših "Križevačkih štatuta", a oni veliju:

U životu se pije u svim prigodama:

a kak treba piti: "Uvjek trijezno, s pameču i ne prekomjerno"

Lepo Vas pozdravla pajdaš

Nikola Novosel Miško